25 agn n’é dessigü nia na gran eté por na Musiga, mo ai basta, por se desmentié di recorć. Por chësta gauja se ùnse dè jö te na manira intensiva cun la storia dla “Müjiga La Ila” cun le travert de scrì sö, te chësta epoca digitala, i pröms 25 agn de chësta uniun.

Do nosta cosciënza ùnse porvè de mëte adöm na cronica autentica. Ne sarà magari val’ porsona o avenimënt nia o massa püch nominà, periunse do Osta paziënza y comprenjiun.

Canche i platernarëis tres chësta cronica podarëise constatè tan de porsones che à al intern y da defora dla Müjiga dè so contribut, por tignì śëgn tles mans n documënt informatif y cun tröp material fotografi ch.

A düć chisc ti va chilò da nosta pert n gran dilan. A nos se réstel ma da Ves auguré, che chësta cronica sides n liber che portes a löm recorć di bi momënć passà adöm y sides na testimonianza por la gran importanza che na uniun po avëi te so paîsc.

Le Consëi dla Müjiga La Ila

---